адыгэ

адыги (самоназвание адыгейцев, кабардинцев и черкесов)

/ Адыгэ лъэпкъхэр (адыгейхэр, къэбэрдейхэр, шэрджэсхэр) зэрызэджэж цIэ.

* Дэ, адыгэхэм, ди нэхъыжьыр ди гъуазэщ. Ад. фольк. Адыгэм я нэхъ мыгъуэми шыгъурэ пIастэрэ уигъэшхынщ. (погов. )

адыгэ къамэ адыгский кинжал

/ Адыгэхэм нэхъ зэрахьэу щыта къамэ лIэужьыгъуэ (къамалъэм и Iумрэ и кIэмрэ дыжьынкIэ гъэщIэрэщIащ, и кур лъахъстэн фIыцIэщ).

адыгэ къэб тыква

/ Адыгэхэм хадэм щыхасэ къэб лъэпкъыгъуэ (и тхьэмпэхэр инщ, гъуэжьу мэгъагъэ, къэб къыщIэкIэхэр хъурейщ, шэжыпсыфэщ).

адыгэ пхъэIэщэ см. пхъэIэщэ.

адыгэ унэ адыгский дом (удлиненной формы с широким коридором по всей его передней части)

/ Адыгэхэм япэм ящIу щыта унэ кIыхь, и гупэ псом кIэлындор (пырхъуэ) ирикIуэу Iуту.

Абы я пщIантIэм адыгэ унэ кIыхь дэтт.

адыгэ фащэ адыгская национальная одежда

/ Адыгэхэм зэрахьэ лъэпкъ щыгъыныгъуэхэр.

* - Дауэ сщIыну, - игукIэ жиIэу лIыжьым адыгэ фащэ къыхуахьар щетIагъэ. Хь. Хь.

адыгэ хабзэ адыгский этикет

/ Адыгэхэм я дуней тетыкIэ, я хьэл-щэн, я нэмыс, я зэхущытыкIэ.

* Михаил Ивановичыр адыгэ хабзэм щыгъуазэти, тхьэмадэ тIысыпIэр иубыдын идакъым: - Ар хъункъым, сэр нэхърэ нэхъыжь мыбы щIэсщ. Т. Хь.

Адыгэ хабзэ хуэщIэн соблюдать адыгский этикет по отношению к кому-л.

адыгэ цей черкеска

/ Хьэзырхэр и бгъэм тедарэ и бгыр идыкIауэ адыгэ цIыхухъу щыгъын щIыIутель.

адыгэ цIыхубз зэхь женщина, воспитанная в традициях адыгского этикета

/ Адыгэ хабзэм щIапIыкIа, адыгэ нэмыс зыхэлъ цIыхубз.

адыгэ шхын адыгское национальное блюдо

/ Адыгэхэм я лъэпкъ шхыныгъуэхэр.

Iэнэр адыгэ шхынхэмкIэ узэдат.

адыгэ Iэнэ адыгский трехногий столик

/ Лъакъуищ щIэту адыгэхэм зэрахьэ Iэнэ хъурей.